ຄອບຄົວເຮົາເຂົ້າໃຈ ບໍ່ໄດ້ຈັດງານແຕ່ງ ບໍ່ໄດ້ແປວ່າບໍ່ໃຫ້ກຽດພໍ່ແມ່

ການແຕ່ງງານເປັນການເລີ່ມຕົ້ນຂອງຊີວິດຄູ່ແບບຈິງຈັງ ແລະ ເປັນການປະກາດໃຫ້ຍາດພີ່ນ້ອງຮູ້ວ່າ ຄົນສອງຄົນຈະຢູ່ຮ່ວມສຸກ ແລະ ເບິ່ງແຍງກັນໄປຈົນແກ່ເຖົ້າ ໃນອະດີດເຖິງແມ່ນວ່າການແຕ່ງງານຈະເປັນການຜູກມັດທັງສອງຝ່າຍໃຫ້ຢູ່ນຳກັນແລ້ວ ແຕ່ພົບວ່າໃນປັດຈຸບັນ ເປັນພຽງການເລີ່ມຕົ້ນຊີວິດເທົ່ານັ້ນ

ບາງຄົນຈັດງານແຕ່ງໜຶ່ງຄັ້ງໃຊ້ງົບປະມານຈຳນວນຫຼາຍ ບາງຄົນເຖິງກັບຕ້ອງກູ້ໜີ້ຢືມສີນ ມາເພື່ອເຮັດງານແຕ່ງທັ້ງໆທີ່ຍັງບໍ່ພ້ອມ ບາງຄອບຄົວພໍ່ແມ່ມີໃຫ້ ສະໜັບສະໜູນຝ່າຍຊາຍກໍ່ຖືວ່າໂຊກດີໄປ ແຕ່ທີ່ຈະມາແນະນຳມື້ນີ້ເປັນພຽງແນວຄິດໜຶ່ງຂອງການແຕ່ງງານ ແບບສະໄໝໃໝ່ ຊຶ່ງບໍ່ຈຳເປັນຕ້ອງໂອ້ອວດ ຫຼື ວ່າຈັດງານໃຫຍ່ ຂໍພຽງແຕ່ຄອບຄົວທັງສອບຝ່າຍຮັບຮູ້ນຳກັນເທົ່ານັ້ນກໍ່ພຽງພໍແລ້ວ

ໂດຍບໍ່ດົົນທີ່ຜ່ານມານີ້ ສະມາຊິກເຟດບຸກທ່ານໜຶ່ງໄດ້ໂພດວ່າ ມີເລື່ອງມາເລົ່າ

ພໍ່ຂອງແຟນເວົ້າມາຄຳໜຶ່ງ ຫາ”ຊີວິດຄູ່ເລີ່ມຕົ້ນດ້ວຍການໄປກູ້ໜີ້ຢືມສິນ” ມາແຕ່ງງານ ມັນຈະມີຄວາມສຸກແທ້ບໍ່ ເຮົາທັງສອງຢູ່ດ້ວຍກັນລວມ 10 ປີ ກໍ່ຊື້ລົດ ຊື້ບ້ານ ມີເງິນເກັບນຳກັນກ່ອນຈະລົມເລື່ອງແຕ່ງງານ ພໍ່ແມ່ຮູ້ມາຕະຫຼອດວ່າຢູ່ນຳກັນ

ພໍ່ບອກພຽງແຕ່ສໍ່ານີ້ຊີວິດລູກກໍ່ປະສົບຜົນສຳເລັດແລ້ວ ການຈັດງານແຕ່ງບໍ່ໄດ້ເປັນຕົວຊີ້ວັດຄວາມສຸກ ພໍ່ແມ່ເຂົ້າໃຈ ສ້າງຊີິວິດສ້າງຄອບຄົວໃຫ້ສົມບຸນ ແລ້ວໄປຈົດທະບຽນໃຫ້ເປັນຄອບຄົວດຽວກັນໃຫ້ສົມບູນກໍ່ພໍ ເຮົາບໍ່ໄດ້ຈັດງານແຕ່ງບໍ່ໄດ້ແປວ່າບໍ່ໃຫ້ກຽດພໍ່ແມ່ ແຕ່ຂ້ອຍແລະແຟນ ສະດວກແບບນີ້ ທຸກຢ່າງເລີຍໂອເຄ ເຮົາຈຶ່ງໄປຈົດທະບຽນກັນ ແລະ ທັງສອງຄອບຄົວກໍ່ໄປສະຫຼອງກັນ ຕື່ນເຊົ້າມາກໍ່ບໍ່ມີໜີ້ສິນ ໄປເຮັດວຽກ ຫາເງິນສ້າງອະນາຄົດກັນຕໍ່

“ຄອບຄົວເຂົາໃຈ ຄົນຂ້າງບ້ານບໍ່ຕ້ອງເຂົ້າໃຈກໍ່ໄດ້”

Author: loveyim