ຄັກແທ້ ຂຸນກອງແລງ ແຂວງຄຳມ່ວນ ໄດ້ຮັບການພັດທະນາໃໝ່ ຄາດວ່າເປີດບໍລິການໄດ້ໃນໄລຍະບຸນປິໃໝ່ລາວຈະມາເຖິງ

ໂຄງການພັດທະນາແຫລ່ງທ່ອງທ່ຽວຂຸນກອງແລງແມ່ນໜຶ່ງໃນໂຄງການທີ່ທາງ ບໍລິສັດອິນທຣາໂຄໂປເຣຊັນ ຈຳກັດຜູ້ດຽວ ໄດ້ຮັບອະນຸມັດໃນການສຳປະທານ ເພື່ອພັດທະນາແຫຼ່ງທ່ອງທ່ຽວ ແລະ ການພັດທະນາກະສິກຳແບບອະນຸລັກທຳມະຊາດ, ຍືນຍົງ, ສີຂຽວ ໂດຍການມີສ່ວນຮ່ວມຂອງປະຊາຊົນບັນດາເຜົ່າ ( The Green World @ Khamouane ).ທ່ານ ພັນທະຈິດ ອິນທິລາດ ປະທານບໍລິສັດອິນທຣາໂຄໂປເຣຊັນຈຳກັດຜູ້ດຽວໄດ້ໃຫ້ສຳພາດຕໍ່ສືມວນຊົນຂອງແຂວງກ່ຽວກັບຄວາມຄືບໜ້າຂອງໂຄງການວ່າ : ພາຍຫຼັງໄດ້ເຊັນສັນຍາສຳປະທານໃນເດືອນມີນາ 2019 ຜ່ານມາ ກັບທາງແຂວງເພື່ອດຳເນີນການກໍ່ສ້າງປັງປຸງແຫລ່ງທ່ອງທ່ຽວຂຸນກອງແລງ. ມາຮອດປະຈຸບັນແມ່ນສຳເລັດແລ້ວ 50%

ໂຄງການດັ່ງກວ່າແມ່ນເປັນໂຄງການອະນຸລັກໂດຍປະຊາຊົນມີສ່ວນຮ່ວມ ມີເນື້ອທີ່ປະມານ 30 ເຮັກຕາ, ໃນນີ້ໄດ້ເວນຄືນແລ້ວ 10 ເຮັກຕາທີ່ເຫລືອພວມດຳເນີນການເວັ້ນຄືນ. ໂດຍໄດ້ເລັ່ງໃສ່ໜ້າວຽກໃນຈຳນວນພື້ນທີ 10 ເຮັກຕາທີ່ໄດ້ຮັບສຳປະທານແລ້ວເຖິງປະຈຸບັນແມ່ນສຳເລັດແລ້ວ 50%.ບໍ່ວ່າຈະເປັນວຽກປັບປຸງທັດສະນີຍະພາບຕ່າງໆ ອ້ອມຂຸນ, ການສ້າງຝ່າຍ, ສ້າງນໍ້າຕົກ, ປ້ອງກັນຕະຝັ່ງເຈື່ອນຕາມສາຍນໍ້າ, ວຽກຂຸດສະນໍ້າເພື່ອຈະເຮັດເປັນສວນນໍ້າ ເພື່ອອຳນວຍຄວາມສະດວກໃຫ້ແກ່ນັກທ່ອງທ່ຽວທີ່ຈະມາຫລີ້ນມາທ່ຽວ ເພາະ ວ່າໃນຂຸນຈະບໍ່ໃຫ້ຄົນລົງນອກຈາກຊ່ຽວຊານ ຫລື ນັກວິທະຍາສາດທີ່ຈະເຂົ້າມາ

ສຳຫລວດ.ສຳລັບເຮືອນທີ່ກະກຽມໄວ້ໃຫ້ແຂກມາພັກເຊົາແມ່ນສຳເລັດແລ້ວ 50 ຫລັງ, ໃນນີ້ມີເຮືອນໄມ້ຊົງລາວ 25 ຫລັງ, ເຮືອນແຄັບຊູນແບບທັນສະໄໝຈຳນວນ 26 ຫລັງ, ຄັບເຮົາ 5 ຫລັງ, ສຳລັບຄັບເຮົາແມ່ນຈະບໍລິການແຂກພາຍໃນ ແລະ ແຂກທີ່ມາທ່ຽວໃນໄລຍະເວລາທີ່ສັ້ນ ແລະ ມີກິດຈະກຳຕ່າງໆ ໄວ້ຄອຍບໍລິການ. ກິດຈະກຳໄວ້ຄອຍບໍລິການໃຫ້ແກ່ນັກທ່ອງທຽ່ວໃນເຂດພັດທະນາມີທັງໝົດ 30 ລາຍການ, ສ່ວນຫລາຍແມ່ນກິດຈະກຳແບບພະຈົນໄພໃນຮູບແບບທຳມະຊາດ, ສຳຫລວດ, ຍ່າງປ່າ, ປີນພູ, ລົດຖີບເສືອພູເຂົາ, ອ໋ອບໂລດ, ກິດຈະກຳທາງນໍ້າ ແລະ ອື່ນໆ.

ສຳສັບວຽກທີ່ສຳຄັນເຊັ່ນການສ້າງຕຶກອາຄານໄວ້ບໍລິການ ແລະ ວຽກປັບປຸງການປູກປ່າຄືນພວກເຮົາກໍ່ໄດ້ມີການເຄື່ອນຍ້າຍຕົ້ນໄມ້ມາປູກປະມານ 200 ຕົ້ນ ເພື່ອຢາກໃຫ້ເປັນພື້ນທີສີຂຽວໃຫ້ສົມກັບຄຳວ່າ Green world ເພາະການພັດທະນາແມ່ນແນໃສ່ທ່າແຮງບົມຊ້ອນໂດຍຈະບໍ່ໄດ້ແຂ່ງກັບໃຜໂດຍຈະໄດ້ປັບປຸງ

ໃຫ້ດີທີ່ສຸດເທົ່າທີ່ຈະເຮັດໄດ້ ແລະ ຕາມຈຸດປະສົງຂອງພວກເຮົາຄາດວ່າຈະໃຫ້ທັນເປີດການນຳໃຊ້ໃນປີໃໝ່ລາວ 2020.ຂຸນກອງແລງເປັນສະຖານທີ່ທ່ອງທຽ່ວທາງທຳມະຊາດຕັ້ງຢູ່ບ້ານາຄື, ເມືອງຫິນບູນ, ຕາມເສັ້ນທາງເລກທີ 13 ໃຕ້, ຫ່າງຈາກຕົວເມືອງຫິນບູນປະມານ 20 ກິໂລແມັດ.

Author: loveyim