ຊົມເຊີຍນໍ້າໃຈ…ໜຸ່ມໃຈດີເຫັນພໍ່ເຖົ້າຍ່າງອິດເມື່ອຍ ເລີຍເອົາເງິນໃຫ້ 50 ພັນກີບ

ຈາກເຟສບຸກທ່ານໜື່ງໄດ້ໂພສວ່າ: ສະບາຍດີ ເພື່ອນເຟສ໌ ທຸກທ່ານ. ຂໍອາໄພ ແລະ ຂໍອານຸຍາດ ນຳທຸກທ່ານເດີ ບໍ່ແມ່ນສ້າງພາບ, ບໍ່ແມ່ນສ້າງກະແສ ແລະ ບໍ່ແມ່ນໂລກສວຍ ແລະ ແຕ່ຫຼິ້ນເຟສ໌ມາ ບໍ່ເຄີຍໄດ້ໂພສ໌ຮູບໃຜ ແມ່ນແຕ່ຮູບຕົນເອງກະປີລະເທື່ອຈິ່ງເອົາລົງ.

ມື້ນີ້, ຜູ້ຂ້າເລີກວຽກຄ່ຳຊ່ວງ10:32ນາທີ ຂັບລົດມານຳທາງ ສາຍທາງຕະຫຼາດເຊົ້າ-ດົງໂດກ. ໃນຂະນະທີ່ຂັບລົດມາຕາມທາງເຂດເດີ່ນທາດຫຼວງ ພໍດີ ເຫັນພໍ່ເຖົ້າຄົນໜຶ່ງຍ່າງຫອບຫິ້ວກະເປົ໋າລາຍຟາດບ່າ ( ກະເປົ໋າດັ່ງໃນຮູບ ) ຄ່ອຍຍ່າງ ເອົາມືຊ້າຍ ເຊັດນ້ຳຕາ ຍ້ອນຄວາມອິດເມື່ອຍຍ່າງ ແລະ ຫິວເຂົ້າ. ຜູ້ຂ້າ ຂີ່ກາຍໄປ ບຶດໜຶ່ງ ແຕ່ຄາໃຈເພາະເຫັນສະພາບໜ້າສົງສານ ເລີຍລ້ຽວກັບເຂົ້າໄປຖາມທີ່ໄປທີ່ມາ

ລາວບອກວ່າ ລາວມາແຕ່ສະຫວັນນະເຂດ, ບ້ານພີນ ເມືອງພີນ ຂຶ້ນມາວຽງຈັນນຳຄົນຮູ້ຈັກອາໄສ ຢູ່ບ້ານເມືອງນ້ອຍຊຽງດາ ຂຶ້ນມາ ໄດ້2-3ມື້ນີ້ແລ້ວ ເພື່ອມາຊອກວຽກເຮັດຫາເງິນ. ຄ່ຳແລງມື້ນີ້ ລາວຍ່າງມາແຕ່ບ້ານເມືອງນ້ອຍຊຽງດາ ຊິໄປ ເຂດຄິວລົດເມສາຍໃຕ້ດົງໂດກ ເພື່ອໄປຫາເຮັດວຽກ ທີ່ມີຄົນແນະນຳວ່າ ຢູ່ທີ່ນັ້ນຕ້ອງການຄົນງານ ກຳມະກອນກໍ່ສ້າງລາວເລີຍຍ່າງມາ ຊິຂີ່ລົດເມ ຫຼື ສອງແຖວ ລາວວ່າພັດບໍ່ມີເງິນຈ້າງເຂົາ ຂໍຂີ່ນຳລ້າ ລາວກະບໍ່ກ້າ ແຕ່ ຂໍໄປນຳ ຄົນທີ່ລົດໄປນຳທາງ ແຕ່ບໍ່ມີຮັບລາວ ລາວເລີຍຍ່າງຕໍ່ໄປ ເພື່ອໄປບ່ອນຈຸດທີ່ໝາຍ.

ຜູ້ຂ້າອີ່ຕົນຫຼາຍ ເລີຍອາສາ ໄປສົ່ງລາວ ແລະ ເອົາເງິນໃຫ້50.000ພັນກີບ. ຜູ້ຂ້າຢາກໃຫ້ຫລາຍກວ່ານັ້ນ ແຕ່ຜູ້ຂ້າກະບໍ່ມີ ມີໃຫ້ແຕ່ສ່ຳນັ້ນ. ຕົນເອງກໍຮູ້ສຶກພູມໃຈ ທີ່ໄດ້ຊ່ວຍລາວ ພໍມີເງິນຊື້ເຂົ້າກິນແລງມື້ນີ້. ຕອນໃຫ້ ລາວຈົນ ນົບ ຂ້ອຍບໍ່ຊ່າງອະທິບາຍແນວໃດໃນຕອນນັ້ນ ຈົນນ້ຳຕາລົ້ນເບົ້າ ຍ້ອນຄິດເຖິງຄຳບອກສອນ ຂອງ ອາຈານສອນຜູ້ຂ້າເອງ ( ອາດີດ ອຳນວຍການໂຮງຮຽນ ) ຕອນສະໄໝຮຽນ ມໍ ປາຍ ຢູ່ໂຮງຮຽນ

ພອນສະຫວັນ ແລະ ຊົນເຜົ່າ ກຽມມະຫາວິທະຍາໄລ ນະຄອນຫຼວງວຽງຈັນ ລາວບອກວ່າ ເຮົາຈົ່ງຊ່ວຍຄົນທີ່ຕ້ອງການຄວາມຊ່ວຍເຫຼືອ ແລະ ຈຳເປັນໃນຊີວິດ ແມ່ນຈະໜ້ອຍ ແຕ່ມັນກໍມີຄຸນຄ່າ ເຖິງຜູ້ໃຫ້ຈະເຫັນວ່າ ມັນບໍ່ມີຄ່າ ຫຼື ມີຄ່າໜ້ອຍ ຫຼາຍ ແຕ່ມັນມີຄວາມໝາຍ ແລະ ປາບປື້ມສຳລັບຜູ້ຮັບ ແລະ ຈົ່ງຊ່ວຍຄົນທີ່ຍັງມີຊີວິດດ້ວຍກັນ ຢ່າມົວທຳດີ ແລະ ໃຫ້ທານໃຫ້ກັບຜີ ( ຄົນຕາຍໄປແລ້ວ ) ຈົນລືມເບິ່ງຄົນທີ່ຍັງມີຊີວິດຢູ່ ທີ່ຕ້ອງການຄວາມຊ່ວຍເຫຼືອຈາກເຮົາ.

ສະນັ້ນ, ຜູ້ຂໍຝາກ ຮູບນີ້, ຄຳໆນີ້ ເຖິງເພື່ອນເຟສ໌ ຜູ້ໃຈບຸນທັງຫຼາຍ ໂດຍສະເພາະ ຄົນສະຫວັນ ທີ່ມາອາໄສ ຢູ່ວຽງນີ້ ຖ້າຮູ້ຈັກລາວ ຫຼື ພົບເຫັນລາວ ກະແບ່ງເບົາຊື້ເຂົ້າໃຫ້ກິນຈັກ1ຄາບກໍຍັງດີນໍ…ຫຼື ຊ່ວຍແນະໃຫ້ໃຫ້ລາວໄດ້ວຽກເຮັດ ແລະ ຊ່ວຍໂຕເອງໄດ້ ກໍຍິ່ງດີ.

ຂໍນຳທຸກຄົນເດີ ໃຜເຫັນລາວ ຊ່ວຍໆກັນ. ຢ່າໄປຊ່ວຍ ຫຼື ໃຫ້ເງິນ ພວກຄົນຂໍທານ ອັນບໍ່ສົມຄວນໃຫ້ ເຊິ່ງຕີນ ມື ຫູ ຕາ ມີຄົບ ແຕ່ບໍ່ຄິດຊິສູ້ຊີວິດ ຄືກັບລຸງ ຄົນນີ້ ຂອບໃຈ ວັນທີ 02.02.2020 ນີ້ນໍເພິ່ນວ່າ ຄົນເຮົາ ເກີດມາເປັນຄົນຄືກັນ ແຕ່ຕົ້ນທຶນຊີວິດມັນຕ່າງກັນຊ່ວຍກົດໄລ້ ກົດແຊຍ໌ ໃຫ້ຫຼາຍໆຄົນເຫັນເພື່ອຊ່ວຍເຫຼືອລາວແດ່ເດີ

ຂອບໃຈ ນຳທຸກຄົນ

ແຊຍ໌ໃຫ້ ຫຼາຍຄົນເຫັນ

Author: loveyim