ມາເບິ່ງກັບຄວາມຍີ່ງໃຫຍ່ຂອງກອງທັບອີຣານ ຈັດຢູ່ອັນດັບທີ 13 ຂອງໂລກ

ຈາກເຫດການທາງການເມືອງຂອງສອງປະເທດລະຫວ່າງອີຣານກັບສະຫະລັດອາເມລິກາ ຫຼາຍຄົນອາດສົງໄສວ່າກອງທັບຂອງອີຣານນັ້ນຈະສາມາດເອົາຢູ່ ຫຼື ບໍ ຖ້າຈະເກີດການຮົບ, ທັ້ງນີ້ມີລາຍງານບໍ່ເປັນທາງການວ່າ ອີຣານຖືເປັນປະເທດທີ່ມີຄວາມເຂັ້ມແຂງທາງການທະຫານທີ່ບໍ່ທຳມະດາຢູ່ອັນດັບມີ 13 ຂອງໂລກ ຕອນນີ້ກອງກຳລັງທີ່ພ້ອມອອກຮົບບໍ່ຕ່ຳກວ່າ 5 ແສນຄົນ

ໂດຍສະຖາບັນລະຫວ່າງປະເທດວ່າດ້ວຍການສຶກສາດ້ານຍຸດທະສາດຂອງສະຫະລາຊະອານາຈັກປະເມີນວ່າ ອີຣານມີທະຫານທີ່ພ້ອມປະຈຳການໃນສະໜາມຮົບປະມານ 523.000 ຄົນ ໃນຈຳນວນນີ້ ລວມເຖິງທະຫານກອງທັບປົກກະຕິ 350.000 ຄົນ ແລະອີກຢ່າງໜ້ອຍ 150.000 ຄົນໃນກອງກຳລັງພິທັກປະຕິວັດອິສລາມ ຫຼື IRGC

ນອກຈາກນີ້ຍັງມີກຳລັງພົນຂອງ IRGC ອີກ 20.000 ຄົນ ເຊິ່ງເຮັດໜ້າທີ່ໃຊ້ເຮືອຮົບລາດຕາເວັນໃນຊ່ອງແຄບຮໍມຸດ ເປັນຈຸດທີ່ເກີດການຜະເຊີນໜ້າກັບເຮືອບັນທຸກນ້ຳມັນຂອງຕ່າງຊາດຫຼາຍຄັ້ງໃນປີ 2019

IRGC ຍັງຄວບຄຸມພິເສດໜ່ວຍບາຊີ່ (Basij) ທີ່ເປັນກອງກຳລັງອາສາຊ່ວຍປາບປາມຄວາມບໍ່ສະຫງົບໃນປະເທດ ຖ້າເກີດເຫດເມື່ອໃດອີຣານຈະສາມາດລະດົມພົນຈາກກອງກຳລັງນີ້ໄດ້ຫຼາຍແສນຄົນ

ສຳລັບ IRGC ໄດ້ຮັບການກໍ່ຕັ້ງຂຶ້ນເມື່ອ 40 ປີກ່ອນ ເພື່ອພິທັກລະບອບອີສລາມໃນອີຣານ ແລະໄດ້ກາຍເປັນກອງທັບຂະໜາດໃຫຍ່ຄວ້າອຳນາດການເມືອງ ແລະຜູ້ຊົງອິດທິພົນສຸດທາງເສດຖະກິດຂອງອີຣານ

ຖ້າທຽບຈຳນວນພົນແມ່ນ IRGC ຫຼື ໜ່ວຍດຸດ ມີໜ້ອຍກວ່າກອງທັບຫຼັກຂອງອີຣານ ແຕ່ຖືວ່າເປັນກອງກຳລັງທີ່ມີອພນາດເດັດຂາດຫຼາຍທີ່ສຸດໃນປະເທດ ທັງມີບົດບາດສູງໃນຕ່າງແດນອີກ ເຊິ່ງນຳພາໂດຍນານພົນ ກາຊີມ ສຸໄລມານີ

Author: loveyim