ໄກ່ ໂອເວີແດນ ກັບມາທວງບັນລັງອີກຄັ້ງ ປ່ອຍຜົນງານ MV ເພັງ“ນາງພະຍາ”

ໂດຍຕົວຢ່າງດັ່ງກ່າວໄດ້ຖືກໂພສລົງໃນອິນສະຕາແກຣມຂອງ ໄກ່ ເອງ ສະແດງໃຫ້ເຫັນບາງສ່ວນຂອງວິດີໂອທີ່ຈັດເຕັມທັງເສື້ອຜ້າ ໜ້າຜົມ ແລະ ທີມເຕັດ້ນຄຸນນະພາບທີ່ຈະມາສ້າງຄວາມມັນໃນແບບສະບັບຂອງເພງເຕັ້ນຂອງລາວ

ເພງ ນາງພະຍາ ເປັນຊິງເກິ້ນຂອງ ໄກ່ ທີ່ປ່ອຍອອກມາໃຫ້ຟັງຜ່ານທາງຊ່ອງຢູທູບເມື່ອທ້າຍປີ 2017 ແລະ ເຮົາມັກເຫັນນັກຮ້ອງສາວຄົນນີ້ນຳເອົາເພງດັ່ງກ່າວນີ້ໄປຮ້ອງໃຫ້ແກ່ແຟນເພງຟັງເວລາອອກງານຕ່າງໆ ແຕ່ເພງນີ້ຍັງບໍ່ທັນມີເອັມວີຢ່າງເປັນທາງການເທື່ອ

ໂດຍໃນອິນສະຕາແກຣມສ່ວນຕົວຂອງ ໄກ່ ໄດ້ລະບຸວ່າ MV ເພງນາງພະຍາ ຈະປ່ອຍອອກມາໃຫ້ເບິ່ງໃນວັນທີ 4 ເມສາ 2019 ນີ້ ພື້ນສະເທືອນລຸກເປັນໄຟແນ່ນອນ. ພ້ອມນີ້ເອັມວີດັ່ງກ່າວໃຊ້ນັກເຕັ້ນກວ່າ 50 ຊີວິດມາຮ່ວມສ້າງສັນຜົນງານດັ່ງກ່າວອອກມາ

Author: loveyim